Mbyllen zgjedhjet parlamentare dhe presidenciale në Maqedoninë e Veriut

Në Maqedoninë e Veriut u mbyllën sonte në orën 19:00 zgjedhjet parlamentare dhe balotazhi presidencial.

Në të dyja këto zgjedhje favorit është fronti konservator, partia sovraniste VMRO-DPMNE, krahasuar me socialdemokratët e LSDM në zgjedhjet parlamentare, dhe kandidatja konservatore Gordana Siljanovska Davkova ndaj kreut të shtetit në largim, Stevo Pendarovski në balotazhin presidencial.

”Deri në orën 17:00 pjesëmarrja për balotazhin presidencial nga 2 040 qendra votimi dhe 1 069 021 votues të regjistruar ishte 42,32 për qind”, njoftoi Komisioni Shtetëror i Zgjedhjeve.

Pjesëmarrje më të lartë për balotazhin presidenciale ka në Novaci 66,47 për qind, ndërsa më të vogël në Likovë, me 6,48 për qind.

“Në krahasim me balotazhin e vitit 2019 kemi rritje prej 7,19 për qind në këto zgjedhje”, theksoi në konferencën e pasdites për median kryetari i KSHZ-së, Aleksandar Dashtevski.