Mbyllet burgu i Zaharisë, 329 të dënuar me sëmundje mendore i kalojnë Shëndetësisë

Ditën e nesërme do të mbyllet burgu i Zaharisë dhe të dënuarit dërgohen në godinën e burgut të Shënkollit.

Në burgun e Zaharisë ndodhen 329 të dënuar me probleme të shëndetit mendor. Më herët Manja deklaroi se të dënuarit duhet të kalojnë në administrimin e Ministrisë së Shëndetësisë.

Ditën e sotme ministri i Drejtësisë Ulsi Manja dhe ministrja e Shëndetësisë dhe Mbrojtjes Sociale, Ogerta Manastirliu pasi kanë firmosur sot në ambientet e Ministrisë së Drejtësisë një marrëveshje për trajtimin e personave me masë mjekësore, apo të dënuarve me probleme të shëndetit mendor.

Në takim kanë qenë prezent edhe përfaqësues të Komiteti për Parandalimin e Torturës të Këshillit të Europës.

Burgu i Zaharisë është një ndër burgjet me kushtet më të këqija në vendin tonë. Në këtë institucion vuanin dënimin të burgosurit me probleme të shëndetit mendor.

Ndërkohë që ka pasur shumë raste, ku disa të burgosur me probleme mendore janë liruar. Rastet më të fundit janë në Fier që janë ai i vrasjes së në fshatin Zhupan ku Elton Meta, vrau ish-bashkëshorten e tij. Meta, i cili vuante edhe nga shëndeti mendor, kishte qenë arrestuar edhe më herët për dhunë në familje, por që ishte liruar nga policia.

Ndërsa rasti tjetër ishte ngjarja tragjike, ku autori Klodian Çalamani vrau 8-vjeçarin Mateo Vasiun. Çalamani i cili vuan nga shëndeti mendor, ishte arrestuar edhe në vitin 2012, pasi kishte marrë peng një të mitur dhe që ishte dënuar vetëm me 4 vite burg, ku më pas u lirua.