Ka përfunduar përballja e Derbit të Kryeqytetit që u mbajt në stadiumin ‘Air Albania’ mes Partizanit dhe Tiranës duke e bërë në këtë mënyrë mbylljen më të bukur të kalendarit vjetor futbollistik të Shqipërisë.
Me fillimin e pjesës së parë, Partizani është hedhur menjëherë në sulm me Carën, i cili përfitoi nga një top i gabuar i Tiranës, por Hoxhallari bën detyrën në mbrojtje dhe ndalon gjithçka.
Entuziazmi i tifozëve në shkallët e stadiumit nuk mund të mbahej, dhe kjo kulmoi në minutën e 6’ kur ndeshja u ndërpre për pak minuta për shak të flakadanëve që hidheshin në fushën e blertë.
Pas një krosimi nga këndi, Ngo devijon topin i cili përplaset në kokën e Florian Përgjonit, duke përfunduar në rrjetën e Partizanit në minutën e 27’ me shifrat e pjesës së parë që shkojnë në 1-0.
Gjatë fesimeve të golit që Përgjoni shënoi, një tifoz nga ana e Tiranës nuk është ndjerë mirë, dhe për këtë arsye janë afruar stafet mjekësore të të dyja skuadrave.
Pjesa e dytë ka nisur me disa minuta vonesë pasi pritej të largohej ambulance e cila shoqëroi tifozin që ndjeu shqetësime shëndetësore në pjesën e parë.
Pjesa e dytë tregoi një Partizan agresiv, duke fituar mjaft duele në mesfushë dhe duke shkaktuar mjaft tension mes bardhebluve.
Atmosfera në shkallet e stadiumit ishte shumë e ndezur, ku brënda këtyre 45 minutave ndeshja është ndërperë disa herë si pasojë e fakadanëve të ndezur nga tifozët.
Minuta e 79’ Xhixha tenton të të gjejë rrjetën me një goditje ballore por topi përundon në duart e Teqjes.
Pas një ndërhyje të Tolit ndaj Carës, gjyqtari jep një penallti në favor të Partizanit por bardheblutë protestojnë për rishikin të VAR-it. Gjyqtari i bindur kërkon vazhdimin e ekzekutimit të penalltisë, por Bekaj e shpëton atë.
Ndeshja ndërpritet sërisha nga gjyqtari Xhaja. Ai i bën shenjë skuadrave se sfida nuk luhet derisa të qetësohet tifozeria e bardhebluve.
Në minutën e 86’ Stenio Zhunior shfaqet përsëri para Bekajt por këtë radhë duke goditur një penallti që nuk e gabon duke barazuar shifrat e takimit në 1-1 por Tirana do të barazonte në minutën e 100-të me Xhixhë, me ndeshjen që përfundon me rezultatin 2-1 në favor të bardhebluve, duke e mbyllur në mënyrën më spektakolare vitin sportiv të futbollit në Shqipëri.
Discussion about this post