Është mbyllur sot finalja ‘Tokio 2020’ midis Brazilit dhe Spanjës, e cila u mbyll merezultatin 2-1. Brazili arriti të merrte fitoren dhe medaljen e artë vetëm në minutat shtesë, pasi 90-minutshi përfundoi me rezultatin 1-1.
Ishte Cunha ai i cili kaloi Brazilin në avantazh në shtesën e pjesës së parë të ndeshjes pas një gabimi në mbrojtjen e Spanjës.
Ndërsa më pas do të duhej minuta e 61-të e lojës që Oyarzabal të shënonte dhe njëkohësisht të barazonte shifrat, pas një aksioni model nga Spanja.
Ky takim shkoi me shtesa dhe vetëm në minutën e 109 Brazili arriti të rimarrë avantazhin dhe si rezultat të siguronte medaljen e artë të Olimpiadës së ‘Tokio 2020’.
Ishte Malcolm lojtari që i riktheu buzëqeshjen shokëve të skuadrës dhe që i dhuroi medaljen më me vlerë vendit të tij./Gijotina.com
