Arsenali duket se është dorëzuar plotësisht, përsa i përket garës për titullin e Premeier League.
The Gunners u mposhtën nga Brighton And Hove Albion me rezultatin 3-0, brenda në Emirates Stadium.
Pas një pjesë të parë, të luftuar por pa gola, në pjesën e dytë, miqtë zhbllokuan rezultatin në minutën e 51’ me anë të Enciso, i cili goditi saktë me kokë.
Goli i miqve, nervozoi trajnerin Arteta, gjë që bëri “të mundur” ndëshkimin e tij me të verdhë.
Zëvendësimet e kryera nga tekniku spanjoll, nuk dhanë rezultat, me Brighton që në minutën e 86’ realizoi golin e dytë me anë të Undav.
I demoralizuar plotësisht, Arsenali pësoi 10 minuta më vonë, dhe golin e tretë. Estupinan realizoi duke dërguar në festë tifozët e ardhur nga jugu i vendit.
Për bardheblutë e Brighton, ky sukses është i rëndësishëm për garën që të çon në Europa League.
Nga ana tjetër, Arsenali i ka thënë “de facto” lamtumirë, fitimit të kampionatit, duke i hapur kështu rrugën Manchester Cityt. /m.b /gijotina.com
Discussion about this post