Bllokohet autostrada Fier-Lushnjë. Brime bëjnë me dije se Inspektorati Kombëtar i Mbrojtjes së Territorit dhe Autoriteti Rrugor Shqiptar kanë vazhduar edhe ditën e sotme duke bllokuar të gjitha hyrjet përgjatë aksit Rotondo e Çermës – Lushnje.
Këtë ndërhyrje, banorët e zonës nuk e kanë pritur mirë, të cilët thonë se situata nuk është e menduar pasi ata nga sot nuk kanë ku të kalojnë dhe mungon edhe rruga dytësore. Kjo shkakton edhe shumë probleme pasi mungesa e rrugëve dytësore dhe nën kalimeve apo mbikalimeve bën që banorët të izolohen dhe të pengohen në mbarëvajtjen e punëve të tyre.
Nga ana tjetër, specialisti pranë ARRSH Naim Halili thotë se ky është një projekt nga Banka Botërore e cila nuk investon nëse nuk ndërhyhet për bllokimin e këtyre hyrjeve të cilat konsiderohen rrezik aksidenti. Në këtë aks rrugor rreth 12 km janë gati 6 fshatra që rruga i ndan me tokat bujqësore.
Discussion about this post