Këtë të premte u mbajt përballja e javës së 11-të Superligës Shqiptare mes Teutës dhe Vllaznisë në ‘Elbasan Arena.’
‘Djemtë e detit’ erdhën në këtë takim me motivin e vetëm fitoren, për mos të humbur diferencën nga ndjekësit e kreut, ndërsa shkodranët nuk mund të hidhnin hapa ‘fals’, në ruajtje të vendit të tretë të renditjes.
Pjesa e parë u mbyll në barazimin pa gola, por ishte Vllaznia ajo që u hodh menjëherë në sulm që në minutat e para me Da Silvën dhe Aralicën, por në pamundësi për të finalizuar. Sërisht Da Silva do të rrezikonte portën durrsake vetëm pak minuta më pas por sërish nuk mundën të ndryshojnë fatin e takimit.
Fati i kësaj pjese do të ndryshonte në minutën e 31’ kur Aralica do të bëhej i ndëshkuari i parë me karton të verdhë nga kryesori i ndeshjes, por pas rishikimit të sitemit VAR, ndërhyrja e tij ndaj Lorenco Vilës do të cilësohej si e ashpër dhe ndëshkohet me karton të kuq, duke e lënë skuadrën e tij me 10-të lojtarë.
Sërish minutat e fundit do të sillnin tensione në fushë, ku këtë herë do të ishte Vllaznia që do të kërkonte ndëshkimin e Xhekson të Teutës me karton të kuq, por kryesori i ndeshjes lejon vazhdimin e lojës, me rezultatin e pjesës së parë që mbyllet në barazimin pa gola 0-0.
Discussion about this post