Është mbajtur mes tensioneve seanca plenare e kësaj të enjteje, ku deputetët e opozitës, kanë bllokuar foltoren e Kuvendit.
Ata kanë ndryshuar edhe strategjinë e bllokimit të seancave. Ata janë rreshtuar në foltore me pankarta në duar, ndërsa nuk kanë mbledhur karrige pirg.
Pas nisjes së seancës, deputetët e opozitës po ashtu ndezën zhurmueset dhe kërkuan që të largohet garda.
Nën zhurmën e bilbilave dhe zhurmuesve, kryetarja e Kuvendit Lindita Nikolla kaloi direkt në votimin e pikave të rendit të ditës.
Deputetja e Partisë Demokratike, Albana Vokshi, tentoi të shkonte drejt kryeministrit Rama me një pankartë në duar, ku shkruhej “Vrasësi i demokracisë”.
U desh ndërhyrja e Gardës që të normalizonte situatën.
Ndërkohë që seanca u mbyll brenda pak minutash, pas votimit të projektligjeve nga maxhoranca.
Discussion about this post