Supersfida e kësaj jave në kampionatit shqiptar, ajo mes Elbasanit dhe Tiranës nuk ka shkuar më shumë se sa një barazim 1-1, teksa nuk kanë munguar as episodet e diskutueshme.
Në minutën e ’49 të takimit, Lleshi u pengua në zonën e Tiranës, teksa gjyqtari fillimisht nuk akordoi asgjë, por bardheblutë me anë të një kundërsulmi arritën të gjenin rrugën e rrjetës me anë të Gjumsit.
Më pas, gjyqtari kryesor Olsian Ferataj u thirr për ta rishikuar rastin në dhomën e VAR duke vendosur më pas anulimin e golit të Tiranës dhe dhënien e një 11-metërshi në favor të Elbasanit.
Nga pika e bardhë e penalltisë gjujti Hila, duke mposhtur portierin Selmani dhe duke kaluar në avantazh provizor Elbasanin.
Goli i barazimit nga Tirana u gjet në minutën e ’62 të takimit me anë të Dembele, pas një goditje këndi, teksa rezultati mbeti më pas i pandryshuar deri në fund dhe ekipet ndanë nga një pikë mes polemikave.
Pas këtij barazimi Elbasani ndodhet në vendin e 5-të të tabelës së renditjes me 18 pikë, ndërsa Tirana renditet dy vende më poshtë me 15 pikë.
Discussion about this post