‘Klasikja’ e futbollit shqiptar ka startuar ditën e sotme në stadiumin Loro Boriçi ku Tirana udhëtoi në transfertë për tu përballur me Vllazninë.
Sfida nisi e luftuar që në minutat e para, ku këtë fakt e tregoi edhe ndëshkimi me karton të verdhë për Ngo, pas një faulli kundër Dianjes, për tu ndjekur më pas edhe nga ndëshkimi i Heric po me karton të verdhë nga kampi kundërshtar.
Kjo sfidë do të ‘tensionohej’ në mesin e pjesës së parë me Latifin që provon të godasë rrjetën kryeqytetase, por pa mundur të bëjë ndryshimin.
Minuta e 25’ do të sillte ndryshimin e shifrave të takimit, me Xhixhan që gjen golin e avantazhit për Tiranë, një gol fillimisht i diskutueshëm, por duhej të pritej ndërhyrja e sistemit VAR që do të thoshte fjalën e fundit, ku kryesori i takimit, pasi konsultohet, vendos ta quajë të vlefshëm, me shifrat e pjesës së parë që tani shkojnë në 1-0.
