Ditën e sotme është mbyllur procesi i emetimit të eurobondit të qeverisë shqiptare. Mësohet se interesi i eurobondit ishte 3.75%, duke regjistruar kështu vlerën më të lartë ndër vite. Ndërsa bëhet me dije se ky nuk është ende interesi final për shkak se ka kërkesa ka qenë gati dy herë më e lartë dhe mund të ketë një rregullim të çmimit në vijim. Por, rezultate e deri më tanishme tregojnë që vlera përfundimtare e eurobondit do të jetë 700 milionë lekë, duke bërë kështu niveli më të lartë në 5 eurobonët që ka marrë qeveria shqiptare në total.
Kujtojmë se, dalja e parë ishte në vitin 2010, me vlerë 300 milionë euro. Ajo arriti të siguronte një interes në kupon fiks prej 7.5% dhe afat maturimi 5-vjeçar. Dalja e dytë e Shqipërisë ishte më 5 nëntor 2015, për 450 milionë euro. Kuponi fiks i siguruar në këtë dalje ishte 5.75%, me maturim 5-vjeçar.Dalja e tretë në 2018 për Shqipërinë në tregjet e kapitalit shënoi një interes më të favorshëm se Eurobondet e mëparshme. Nga kjo dalje u emetuan 500 milionë euro, me një kupon fiks prej 3.50% dhe afat maturimi 7-vjeçar. Në qershor të 2020-s, Shqipëria regjistroi daljen e katërt, ku u emetuan 650 milionë euro, me një ofertë nga investitorët rreth 3.2 miliardë euro, me kupon 3.5%, interes 3.625% dhe maturim 7-vjeçar.
Marrja e këtij eurobondi ka hasur kundërshtime të mëdha, jo vetëm për nivelin e tij të lartë, por edhe për mënyrën se si do të përdoret ai. Në prezantimin e këtij eurobondi, qeveria ka bërë të ditur se do ta përdorë këtë eurobond kryesisht për financimin e deficitit buxhetor për mbulimin e pagesave të borxhit të huaj. Por kjo deklaratë ka hasur dyshime nga opozita dhe shumë ekonomisë, duke thënë se qeveria duhet të vërtetojë dhe saktësojë çdo zë në të cilin do të përdoret ky borxh.
Kujtojmë këtu se, Shqipëria ka një stok borxhi në instrumentin që njihet si Eurobond në vlerën 1.15 miliardë euro. Rritja e tij, me një vlerë prej 700 milionë eurosh, sa synon qeveria të emetojë në këtë dalje të fundit do ta çojë atë në vlerën 1.85 miliardë euro.
Discussion about this post