75 ditë kundër qeverisë, mbyllet protesta e sotme/ Nesër edhe Diaspora në shesh

Është mbyllur mbrëmjen e kësaj të enjte protesta e 75-të radhazi në Tiranë, pas disa orësh tubimi dhe marshimi në rrugët e kryeqytetit.

Tubimi nisi në bulevardin “Dëshmorët e Kombit”, ku protestuesit shprehën kundërshtimin ndaj qeverisë dhe kërkuan dorëheqjen e kryeministrit Edi Rama.

Pas fjalimeve, qytetarët vijuan marshimin në disa prej akseve kryesore të Tiranës, duke shoqëruar protestën me thirrje kundër qeverisë.

Në përfundim të marshimit, protestuesit u shpërndanë pa incidente, duke shënuar mbylljen e ditës së 75-të të protestave.

Protestuesit kanë paralajmëruar vijimin e tubimeve edhe në ditët në vijim, teksa nesër do të bashkohet edhe Diaspora.