Mbyti nënën, zbardhet dëshmia e 24-vjeçarit: Meritoj të ndëshkohem…

Albi Muhollari, 24-vjeçari që mbyti nënën me plastmas mbrëmjen e kaluar, ka dhënë dëshminë e tij lidhur me ngjarjen.

Nga raportimet mësohet se Muhollari ka pranuar krimin e kryer, teksa ka thënë se veprimi është i pafalshëm dhe meriton të ndëshkohet.

“Ishte një moment delikat, unë meritoj të ndëshkohem, është i pafalshëm”,- mësohet të ketë thënë Muhollari.

Ngjarja ndodhi mbrëmjen e së shtunës, rreth orës 21:00, në lagjen “Partizani”, në Përmet, ku 24-vjeçari, Albi Muhollari i mori jetën nënës së tij, Zeniat Muhollar 68-vjeçe.

Dyshohet se i riu ka qënë në kushte depresioni, por ende nuk është konfirmuar asgjë zyrtare. Nuk dihet se çfarë e ka detyruar të riuin të kryejë krimin e rëndë.

Nënë e bir jetonin në Amerikë dhe kishin vetëm 4 ditë që ishin kthyer në Shqipëri për pushime.

Dyshimet janë se ngjarja ka ndodhur pas një debati që 24-vjeçari ka pasur me nënën e tij 68 vjeçare.

“Më datë 03.06.2023, rreth orës 21:00, në lagjen “Partizani”, Përmet, dyshohet se në gjendje depresive, shtetasi A. M., 24 vjeç, ka mbytur nënën e tij, shtetasen Z. M., 65 vjeçe.Shërbimet e Policisë, menjëherë pas marrjes së njoftimit janë vënë në ndjekje të autorit dhe kanë bërë të mundur kapjen dhe shoqërimin e tij në ambientet e Komisariatit të Policisë Përmet, për kryerjen e veprimeve të mëtejshme”, njoftonte policia.