Tre trafikantë droge kanë rënë në prangat e policisë në Vlorë. Burime nga policia për gijotina.com bëjnë me dije se në kuadër të operacionit të koduar “Bishani”, janë arrestuar personat e identifikuar me emrat Aldo Tushaj 34 vjeç., Sokol Beqiraj 29 vjeç., banues në Vlorë dhe Alban Velo 34 vjeç, banues në Bishan, Vlorë.
Shërbimet e Policisë dhe forcat “Shqiponja” gjatë operacionit policor, në fshatin Bishan , bënë lokalizimin dhe bllokimin e automjetit me të cilin dyshohej se transportohej lëndë narkotike.
Nga kontrolli fizik i personave të arrestuar dhe i mjetit tip ”Ford”, në të cilin ata udhëtonin, u gjet lëndë narkotike e dyshuar cannabis sativa, me peshë 30 kilogramë, që u sekuestruan në cilësinë e provës materiale.
Pritet të zbardhen detaje pas marrjes në pyetje të të arrestuarve të cilët do të përballen me akuzën për veprën penale “Prodhimi dhe shitja e lëndëve narkotike”.
Discussion about this post