Barcelona luan kundër Atalantës këtë të mërkurë në orën 21:00. Sfida është e fundit e grupit në Champions League dhe katalanasit e kanë siguruar kalimin në 1/8, ndërsa Atalanta kërkon pikët.
Për mediet foli trajneri i Barcelonës, Hansi Flick. Gjermani u ndal te stili unik i lojës së Atalantës, duke zgjedhur titullin para Champions League.
“Italianët mbrojnë mirë dhe për këtë arsye është e vështirë të luash ndaj tyre. Atalanta ka një stil unik. Ata luajnë shumë mirë në një kundër një, mbajnë topin dhe janë të shpejtë në kundërsulme.
Objektivi ynë është të përfundojmë të dytët në renditje, ndonëse e pranoj që fitimi i titullit kampion është më i rëndësishëm për mua. Kam respekt të madh për Gasperinin dhe për atë që ai ka bërë tek Atalanta, në nivel kombëtar dhe europian.
Mungesa e Lookman është e rëndësishme për Atalantën, por nuk mendoj se do të peshojë në lojë. Gasperini e njeh shumë mirë ekipin e tij dhe do të përpiqet të bëjë lojën e tij. Vendimi për zgjedhjen e portierit është shumë i vështirë, sepse të dy janë në formë të shkëlqyer. Për momentin kam zgjedhur Szczesny. Me të kemi folur edhe për Atalantën”, u shpreh Flick.
Discussion about this post