Rudina Hajdari, ish-deputete e PD-së, u shpreh në emisionin “Log.” se Sali Berisha dhe Lulzim Basha duhet të bëjnë hapa pas, për të lejuar bashkimin e demokratëve. Hajdari tha se mes Berishës dhe Bashës zgjedh të jetë me shumicën e demokratëve.
“Nëse mua vë përballë ashtu sic më kanë vënë në fillim midis partisë së vulës dhe partisë së shumicës, unë zgjodha partinë e shumicës unë zgjedh demokratët”, tha Hajdari, ndërsa theksoi se ajo që bëri Basha me Berishën ishte thikë pas shpine.
Sipas saj, mënyra e vetme si të bashkohen është që këta të dy, Berisha dhe Basha të bëjnë një hap pas.
“Berisha mori legjitimitetin si lider sepse ajo që bëri Basha ishte thikë pas shpine. Edhe për njerëzit që nuk e kishin qejf Berishën u bënë me Berishën, sepse mënyra si u solla Basha ishte një vendim i gabuar”, tha ajo.
Discussion about this post