Me biçikletë e xhup të kuq, ky është momenti i fundit që 8 -vjeçari Mateo Vllasiu është kapur pak para se të vritej mizorisht nga 38- vjeçari Klodian Çalamani.
I mituri është kapur nga kamera e sigurisë nga një vilë pranë banesës së tij. Kjo është pamja e fundit e Mateos, i cili u qëllua me lopatë dhe më pas u gropos nga fqinji i tij mostër, Klodiani.
Prokuroria e Fierit ka kërkuar që Klodian Çalamanit t’i jepet dënimi me burg, pavarësisht probleme me shëndetin mendor që ka ai. Prokuroria arriti në këtë përfundim pasi zbardhi dëshminë e plotë të autorit të vrasjes. Ai ka treguat gjatë marrjes në pyetje se e kishte rrëmbyer, më pas e kishte vrarë dhe groposur të miturin në Fier.
Mësohet se, Klodian Çalamani e ka goditur me (kazmë) në kokë fëmijën e mitur dhe më pas e ka groposur atë në oborrin e banesës së tij. Nga këqyrja e vendit të ngjarjes janë gjetur dhe sekuestruar në cilësinë e provës materiale: një lopatë, një kazmë, një biçikletë, rroba të autorit dhe njolla gjaku, të cilat u dërguan për ekzaminime të mëtejshme në Institutin e Policisë Shkencore Tiranë.
Discussion about this post