Pesë trafikantë droge kanë rënë në prangat e policisë në Tiranë mëngjesin e kësaj të marte. Burime nga policia për gijotina.com bëjnë me dije se, bëhet fjalë për personat e identifikuar me emrat: Shkëlqim Palushi 24 vjeç, Xhekson Kolezi 23 vjeç, Geraldo Zyberi 23 vjeç, Armando Diçe 30 vjeç dhe Emiljan Dyrmishi 26 vjeç, të cilët janë kapur duke shpërndarë drogë të llojit heroinë dhe cannabis sativa, në zona të ndryshme të Tiranës.
Gjatë operacionit janë gjetur dhe sekuestruar në cilësinë e provës materiale një armë zjarri e llojit pistoletë, 2.600.000 lekë të rinj dhe 2000 euro të përfituara nga ky aktivitet kriminal, një sasi lënde narkotike heroinë, një pjesë e ndarë në doza gati për shitje, një peshore elektronike që shërbente për peshimin e lëndës narkotike, 10 telefona celular, një automjet që përdorej nga të arrestuarit, për shpërndarjen e lëndës narkotike.
Nuk dihet ende nëse ka persona të tjerë të përfshirë në këtë veprimtari kriminale, ndërsa të arrestuarit pritet të përballen me akuzën për veprat penale “Prodhim dhe shitja e narkotikëve” kryer në bashkëpunim dhe “Armëmbajtja pa leje”.
Discussion about this post