Emrat më të mëdhenj të futbollit u panë të pranishëm në shënimin e 11-vjetorit të NFL, i cili u mbajt në Inglewood, Kaliforni të enjten mbrëma.
Dhe festimet vazhduan në stadiumin “SoFi” me të famshëm si: Rita Ora dhe Jenna Dewan që morën pjesë në festën e ceremonisë, shkruan DailyMail. Ora, 31 vjeçe, dukej mjaft sensuale e veshur me një bluzë argjendi, komplet të hapur te pjesa e shpinës.
Për këtë veshje, artistja me origjinë shqiptare kishte gjetur inspirim nga stili i viteve 2000. Këngëtarja shqiptaro-britanike shfaqi krahët e saj të formësuar në një bluzë argjendi, të zbukuruar me rripa të bërë nga zinxhirë argjendi. Ajo e kombinoi pjesën e sipërme të saj plot shkëlqim me disa xhinse të gjera, të gjata deri në pëllëmbë.
Ajo i futi gjërat e nevojshme në një çantë të zezë, teksa kishte nga një unazë në secilin prej gishtave të saj. Flokët bionde në ngjyrë të artë të Orës ishin lënë në valë të lirshëm, për të krijuar një volum të madh.
Ndërkohë, makijazhi i saj i pakët karakterizohej nga aplikimi i një buzëkuqi të kuq në buzët e saj.
Rita publikoi në llogarinë e saj zyrtare në Instagram disa fotografi nga ngjarja në fjalë.
“Le të fillojë fundjava”, shkroi bukuroshja shqiptare, ndërsa dukej mjaft atraktive në tribunat e stadiumit “SoFi” në Inglewood. /Telegrafi/
Discussion about this post