Garat e Formula 1 në këtë moment mund të konsiderohen si më të rrezikshmet e mundshme me rivalitetin e fortë që ka nisur midis pilotit të Mercedes Lewis Hamilton dhe atij të Red Bull Max Verstappen.
Pas aksidentit të ndodhur në garën e Monzas, në xhiron e 26-ë, ku makina e Verstappen kaloi mbi kokën e britaniku, ka ardhur edhe reagimi i këtij të fundit.
Hamilton ka akuzuar belgun se desh e vrau, ndërsa ka shtuar se po të mos ishte për sistem ‘halo’ nuk e di se çfarë mund të kishte ndodhur.
“Ndihem me fat që jam gjallë, pasi ishte sistemi ‘halo’ ai që më shpëtoi jetën, në të kundërt koka dhe qafa ime do të kishin pësuar dëmtime të mëdha. Kjo ngjarje ishte tronditëse për mua, pasi kurrë nuk kisha menduar se një makinë tjetër do të kalonte sipër kokës sime.
Max e dinte që në atë pikë do të përplaseshim. Ai mbajti këmbën te gazi dhe fluturoi mbi kokën time. Nuk ishte korrekt, pasi i lash hapësirë në pjesën e jashtme. Max humbi kontrollin e makinës dhe fluturoi.”-u shpreh britaniku.
Ndërsa rikujtojmë që në xhiron e parë të Çmimit të Madh në Silverstone Hamilton përplasi Verstappen, pasi nuk donte ta lejonte që ky i fundit ta parakalonte dhe e nxorri nga pista duke e rrezikuar jetën, gjë që të kuptohet se garimi i këtyre do pilotëve e bën shumë të rrezikshëm pistën e Formula 1./Gijtona.com
