Komisioni i Ekonomisë ka nisur sërish me debate ditën e sotme në diskutimet për buxhetin e viti 2022. Teksa ministrja e Financave, Delina Ibrahimaj, tha se ky buxhet ka parametra pozitiv është hedhur menjëherë në kritika deputeti i PD, Edmond Spaho.
Sipas tij, është propagandë e hapur që ministrja thotë se buxheti është pozitivë kur në fakt, ky projektbuxhet parashikon rritje të borxhit publik, asnjë indeksim pensionesh dhe pagat me nivel shumë të ulët. Sakaq, Spaho i bëri thirrje ministres të rishikojnë nivelin e pagave në të kundërt marrja e ryshfetit në Administratë do të kthehet në normalitet.
Ju e paraqisni me nota pozitive edhe të ardhmen edhe borxhin. Po ku qenka kështu, hajde vendosim rregullin fiskal. Por nuk jemi mirë dhe optimizmin na e jepni me qa doza sa ekziston realisht. Nuk ka optimizëm sa kohë marrim borxh. E hoqëm rregullin fiskal sepse ndryshe ngelim pa investime dhe rriskojmë edhe pagat dhe pensione. Është më e udhës të na ekspozoni gjendjen siç është dhe të bisedojmë bashkërisht se çfarë mund të bëhet. Sot jemi në nivelin më të ulët të pagave. Po nuk patëm një program që në harkun e 4 viteve të dyfishojmë pagat dhe pensionet, ne nuk shkojmë asgjëkundi, Ky nivel i ulët dhe qesharak i pagave dhe pensioneve, më kujton komunizmin me shprehjen ju bëni si sikur paguani dhe ne bëjmë sikur punojmë. Dhe tani është i njëjti skenar”, tha ai, duke kritikuar ministres, e cila justifikon fondin e madh për koncesionet dhe thotë se nuk ka buxhet të mjaftueshëm për pensionet.
Discussion about this post