Këngëtarja e njohur Adele gjithmonë është treguar e rezervuar sa i takon jetës private. Ndërsa këtë herë ka dalë jashtë kornizave, pasi ka konfirmuar zyrtarisht romancën me agjentin sportiv Rich Paul. Këngëtarja plot sharm e sexy në të njëjtën kohë, së fundmi ka ndarë me ndjekësit e saj foton e tyre të parë së bashku në mediat sociale. Gjuetarët e showbizz bëjnë me dije se ylli i hitit “Someone Like You” ishte e ftuar në dasmën e lojtarit të NBA-së, Anthony Davis të shtunën në mbrëmje.
33-vjeçarja ndau disa foto mahnitëse nga dasma ndërsa pozonte me një fustan të zi, të dizajnuar nga Schiaparelli. Por surprizën e kishte ruajtur për në fund, foton ku shihej bashkë me të dashurin, me të cilin u pa për herë të parë në Korrik në një ndeshje basketbolli.
Rich konsiderohet si një nga njerëzit më të fuqishëm në sport falë agjencisë së tij të suksesshme, e cila menaxhon LeBron James mes yjeve të tjerë të NBA-së. 33-vjeçarja u divorcua disa muaj më parë pas pesë vitesh martesë me Simon Konetski, me të cilin ka dhe një fëmijë. / A.L gijotina.com /
