Kryeqytetasit kërkuan triumfin e dytë, pas fitores në javën e parë ndaj Skënderbeu, ndërsa rrogozhinasit e Maganit, kërkojnë pikët e para në këtë kampionat, teksa në sfidën e parë u mposhtën nga Kukësi me rezultatin 1-3.
Pjesa e parë do të kulmonte në minutën e 23′ ku në zonën e Tiranës, Egnatia i shkon shumë pranë golit, por as Magani dhe as Shtubina nuk shtyjnë dot topin drejt rrjetës. Ky i fundit kërkon penallti, por për gjyqtarin gjithçka e rregullt, dhe ndeshja vazhdon, për ta mbyllur pjesën e parë me portat e paprekura.
Pjesa e dytë do të shihte golat nga të dyja skuadrat, ku me shifrat 1-1 mbyllet ky takim në sfidën e vlefshme për javën e dytë të Kategorisë Superiore.
Egnatia e Gugash Maganit, ka marrë një pikë të artë në transfertë ndaj Tiranës, në sfidën që i pati të gjitha, golat spektakolarë, pretendimet për penallti si dhe nuk mungoi ndërhyrja e VAR-it që i “dogji” golin e fitores bardhebluve.
