Klubet e Serie A humbën 1.2 miliardë euro që nga fillimi i pandemisë dhe tashmë duhet me patjetër që të nisin të hyjnë para në llogarinë e tyre, ndryshe falimenti është i pashmangshëm.
Serie A e di mirë këtë dhe ka nisur lëvizjet. La Gazzetta bën me dije se po ushtrohet presion te Ministria e Shëndetësisë për të hapur stadiumet dhe duket se po shkon në rrugën e duhur.
Serie A kërkon hapjen e plotë të stadiumeve, por autoritetet nuk janë të gatshëm për këtë vendim. Gjithsesi, vitin e ardhshëm stadiumet italiane do i shohim me 50% të kapacitetit.
Burime të ndryshme bëjnë me dije këtë lajm, që është shumë i mirë. Duke parë situatën, nuk mund të përjashtohet që kapaciteti i lejuar të rritet.
