Mine Ndre, shqiptarja që u vu në pranga në Itali pas vrasjes së një pensionisti, nuk ka ndryshuar version para uniformave blu duke thënë se i moshuari kishte qenë i dhunshëm kundrejt saj, e se ajo nga frika i kishte plotësuar të gjitha kërkesat.
51-vjeçarja e mbrojtur nga avokatët Giuseppe Ruffier dhe Annalisa Lipari, donte të sqaronte disa aspekte të historisë, veçanërisht dinamikën e fakteve që kishin çuar në kryerjen e vrasjes.
“Ai ishte i dhunshëm. Nga frika i plotësova kërkesat e tij. Dhe shkova tek ai sepse më duhej puna. Edhe ditën e vrasjes unë refuzova dhe ai mori një thikë. Patëm përleshje dhe unë ia mora thikën për t’u mbrojtur”, mësohet të ketë thënë ajo.
Sipas saj, në mëngjesin e vrasjes kishte shkuar për të larë enët, por i moshuari i ishte afruar që të prekte. Ajo kishte tentuar ta largonte por i moshuari e kishte kërcënuar me thikë. Shqiptarja e kishte goditur goditur 12 herë me thikë, në gjoks dhe bark, por asnjëra në gjendje të shkaktojë vdekjen. Megjithatë, të kombinuara me problemet e mëparshme shëndetësore të viktimës, sollën vdekjen e tij.
Sipas dëshmive, Mide Ndreu shkonte në shtëpinë e Amicuccit pavarësisht ngacmimeve sepse kishte nevojë për punën pasi i shoqi punonte vetëm me raste që prej shpërthimit të pandemisë. Këtë rrethanë e ka konfirmuar edhe bashkëshorti i saj. Ndërkohë asnjë prej familjarëve nuk ishin në dijeni të ngacmimeve që ajo kishte pësuar nga italiani.
Për këto arsye avokatët e saj do të kërkojnë arrest shtëpie për Nreun, duke marrë parasysh edhe disa probleme shëndetësore të saj.
Discussion about this post