Hueyda El Saied, artistja shumëdimesionale dhe shumë e dashur për publikun dhe miqtë e saj, mësohet se prej më shumë se një viti luftonte me kancerin e gjirit. Lajmi i ndarjes nga jeta, ditën e djeshme shokoi mbarë publikun që e donte aq shumë, por njëkohësisht nuk kishin asnjë informacion rreth faktit që Hueyda po luftonte me vdekjen.
Miku i saj, Bledi Strakosha tregoi se ishte zgjedhja e saj që askush të mos dinte asgjë lidhur me sëmundjen që po përjetonte, pasi e ndjera nuk donte të shqetësonte askënd. Strakosha tregon gjithashtu detaje nga momentet e fundit të artistes.
“Ka vuajtur gjithë jetën, sot kisha një inat me zotin, thoja pse duhej të vuante deri në momentin e fundit kjo vajzë. Gjithë jetën ka vuajtur edhe ndarjen nga jeta e pati me një peripeci gati një vit e pak që ka qenë me terapi dhe me oksigjen dhe deri në momentin e fundit askujt nuk iu thoshte që jam sëmurë. Kur ka dalë nga spitali, iu ka thënë miqve të ngushtë se jam më mirë. Edhe ne që e dinim jemi të tronditur, nuk dinim cdo hollësi dhe nuk prisnim ndarjen nga jetë në një moshë kaq të re.”, tha ai.
Në moshën 46-vjeçare, artistja u shua në Luksemburg, ku jetonte me djalin, Gabrielin dhe partnerin. Por teksa të afërmit e saj nuk i kishte përgatitur për të përballuar mungesën e saj, vetë ajo ishte kujdesur për jetën e të tjerëve pa të. Djalin e saj të vetëm, Hueyda u kujdes që t’a linte në duar të sigurta, duke kryer procedurat e birësimit në korrik të këtij viti. I biri i të ndjerës u birësua nga partneri i saj.
Discussion about this post