1.5 ton hashash me pikënisje nga Shqipëria është kapur në Turqi ditën e sotme. Mediet turke shkruajnë se kjo sasi e madhe lëndësh narkotike u sekuestruan në lagjen Dalaman të Muğla. Sakaq, bëhet me dije se, droga kishe ardhur me skaf nga Shqipëria, ndërkohë që sipas mediave të huaja vlera e saj në treg shkonte në 60 milionë lira.
Gjatë operacionet të autoriteteve turke janë arrestuar 3 persona, ndërkohë që janë sekuestruar gjithashtu edhe tre pistoleta. Pas ndjekjes teknike dhe fizike, malli u shkarkua nga skafi dhe u ngarkua në një kamion. Droga e ngarkuar në kamion është sjellë në zonën pyjore.
Discussion about this post