Këto janë pamjet e një prej protestuesve që është dhunuar rëndë nga policia.
Por bashkë me këtë të ri, është edhe një tjetër protestues i dhunuar.
Policia ka refuzuar që t’i dërgojë në spital të dhunuar, që të fshehë provat kundër saj, por prania e deputetëve të PD-së aty dhe kërkesa e tyre e vazhdueshme ka bërë që policia të thërrasë autoambulancën dhe të dërgojë të dhunuarin në spital.
Kreu i grupit parlamentar të PD, Gazment Bardhi, nga Komisariati Nr. 1, tha për mediat se një prej protestuesve të shoqëruar është dhunuar nga policia dhe, sipas tij, është mbajtur në komisariat në kundërshtim me ligjin, edhe pse kishte nevojë për ndihmë mjekësore.
Ai tha se pas ndërhyrjes së deputetëve të opozitës, personi në fjalë është transportuar me ambulancë drejt Spitali Universitar i Traumës për trajtim.
Në këtë komisariat janë të shoqëruar shumë qytetarë që kanë marrë pjesë në protestën kombëtare të opozitës.
Discussion about this post