‘Më qëlluan me armë’, burri në Prishtinë raporton në polici

Një burrë ka raportuar në polici se një person tjetër ka shtënë me armë zjarri në drejtim të tij, mirëpo nuk ka pësuar lëndime.

Policia ka dalë në vendin e ngjarjes, ku ka gjetur dhe sekuestruar tri gëzhoja. Nuk raportohet për të arrestuar.

“VRASJE NË TENTATIVË- Rr. Hilmi Rakovica, Prishtinë, 24.02.2023 – 22:50. Viktima mashkull kosovar ka raportuar se një i dyshuar, deri më tani i panjohur,  ka shtënë 3 (tre) herë me armë zjarri në drejtim të viktimës, por nuk ka pësuar lëndime.

Njësitë policore kanë dalë në vendin e ngjarjes, ku kanë gjetur dhe sekuestruar 3 (tre) gëzhoja. Në lidhje me rastin është konsultuar prokurori i shtetit, e rasti vazhdon të hetohet.”