Tre trafikantë droge kanë rënë në prangat e policisë në Lezhë. Burime nga policia për gijotina.cm bëjnë me dije se janë arrestuar personat e identifikuar me emrat Ridiogert Doda, 29 vjeç, Renato Nikolli, 20 vjeç dhe Preng Mandreja, 21 vjeç, banues në Lezhë dhe Mirditë.
Të rinjtë u kapën në vendin e quajtur “Ura Ushtarake”, në Njësinë Administrative Rubik, teksa ishin duke udhëtuar me automjetet tip “Ford” dhe tip “Nissan”.
Gjatë kontrollit nga policia është gjetur 15 kilogramë e 387 gramë lëndë narkotike cannabis sativa.
Në cilësinë e provës materiale u sekuestruan lënda narkotike, peshorja elektronike, 3 aparate celular dhe 2 automjete.
Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet procedurale i kaluan për ndjekje të mëtejshme, Prokurorisë së Rrethit Gjyqësor Lezhë, për veprën penale “Prodhimi dhe shitja e narkotikëve”, kryer në bashkëpunim.
Discussion about this post