Një muaj pas mbërritjes në Tiranë, Ambasadori britanik në Shqipëri Alastair King-Smith siç duket është përshtatur shumë shpejtë me jetesën në Tiranë. Në një video që ka publikuar në Twitter, ai shihet i veshur si agjenti ‘007’, rol i luajtur nga James Bond. Ambasadori shprehet se është nisur për të parë premierën e filmit “No time to die” të Bond në Tiranë.
“Nuk është e shpeshtë si ambasador të të jepet mundësia të pretendosh sikur je James Bond, por shpesh mendojnë si diplomat “a je një spiun?” Por në të vërtetë mendoj diplomatët më të mirë janë diplomatët e vërtetë. Po ikim në një event këtë mbrëmje ku do t’u tregojmë si vërtet bëhet premiera e filmit James Bond 007, në Tiranë. Në praninë e VIP-ve dhe me flamura britanikë nëpër rrugë, me disa ‘Range Rover’ e ‘Jaguar’ të tregojnë më të mirën e Britanisë së Madhe e të vetë filmit. Le ta shohim se si do t’ia kalojmë!”-shprehet ambasadori britanik.
Alastair King-Smith është ambasadori i ri i Mbretërisë së Bashkuar të Britanisë së Madhe dhe Irlandës së Veriut në Tiranë. Diplomati, zëvendësoi ish-ambasadorin Duncan Norman në 1 shtator të këtij viti.
