Si sot dy vite më parë, Rona Nishliu u bë nënë për herë të parë. Artistja shqiptare u bekua me një vajzë, që sot feston 2-vjetorin e lindjes. Me këtë rast ajo ka publikuar si rrallëherë disa foto familjare, me portretin e plotë të fëmijëve të saj. Gjithashtu Nora i ka dedikuar fjalët më të bukura vogëlushes Noa me rastin e ditëlindjes.
“Noa jetuki ima, sot dy vjet erdhe në krahët e mi dhe prej asaj dite më dhe miliona arsye ta jetoj çdo sekondë me gëzim! Gëzuar ditën tënde Noa, gëzime paç përherë, e dashuria dhe mirësia të burofshin pa shterim nga zemra jote e vogël. Paç fëmijëri plot ngjyra, gjallëri dhe emocione. Të dua bebushki ima, dhe do të dua gjithmonë, me gjithë fuqinë e zemrës që rreh për ty!”, shkruan Rona në urimin për vajzën.
Kujtojmë se në dhjetor të vitit të shkuar, Rona Nishliu u bë nënë për herë të dytë. Ajo solli në jetë një djalë, të cilin e pagëzoi me emrin e veçantë shqiptar, Bardhyl.
“10.12.2020 ditë e mrekullueshme sot! Familjes sonë iu shtua engjëlli Bardhyl, mbret i zemrave tona tashmë. Gëzimi është shtuar apo infinit-fishuar me ardhjen tënde o miniaturë e përkryer. Në ditë të rëndësishme si këto por dhe të ngarkuara emocionalisht nga situata pandemike, mbikqyrja profesionale shëndetësore është gjithçka. Mirësi e mirëqenie për të gjithë të porsalindurit por dhe gjithë fëmijët, në këtë kohë pandemie. Ju dua”, shkroi Rona ditën që i vogli erdhi në jetë.
