Është vënë nën kontroll zjarri në majën e Bukanikut, në njësinë administrative Gjinar në Elbasan.
Kanë qenë banorët e zonës që u përballen me flakët me mjete rrethanore, shkurre, kazma dhe lopata për të parandaluar përhapjen.
Zona ku ka rënë zjarri është e përbërë nga pisha, dushk dhe shkurre të ndryshme. Megjithatë banorët ende shpresojnë për një ndërhyrje nga ajri që do të shuante plotësisht flakët.
Zjarri ka nisur gjatë orëve të mbrëmjes dhe dyshohet se është i qëllimshëm.
