Me shpejtësi skëterrë, shqiptari përplas për vdekje të miturin

Një 24- vjeçar shqiptar i identifikuar me emrin Rafaelo Beqaj është arrestuar nga policia në Itali, pasi akuzohet si autor i një aksidenti me vdekje.

Mediat italiane raportojnë se ndaj të riut është vendosur masë e sigurisë ‘arrest shtëpie’. I riu që sapo ishte kthyer nga Shqipëria është vënë në gjurmë dhe është arrestuar sapo ka mbërritur në aeroportin Fontanarossa në Katania.

Mbrëmjen e 18 nëntorit rreth orës 03:00 24-vjeçari ka përplasur me një makinë tip ‘Audi Q8’ për vdekje 16- vjeçarin e identifikuar me emrin Daniele Cantale Garano në zonën e quajtur Acireale.

16- vjeçari ka qenë duke udhëtuar me një mjet të volgë tip ‘Honda Sh’ udhëkryqin me via Kennedy. Në këtë moment shqiptari ka kaluar me shpejtësi duke e përplasur.

I hedhur disa metra larg, 16-vjeçari vdiq edhe pse mbante helmetë. Ka qenë gjyqtari i hetimeve paraprake që ka dhënë masën e sigurimit ndaj 24-vjeçarit.