Gijotina.com siguron foton e ish-efektivit të RENEA-s, Remal Rada, i cili u arrestua sot pas dyshimeve se mund të vriste një person. Dyshimet e policisë u përforcuan pasi në makinë iu gjetën armë zjarri, tip snajpër. Ish-efektivi shoqërohej nga Elton Hidhi, i cili sipas burimeve rezulton i dënuar për grabitje me dhunë.
39-vjeçari, Rada, ka shërbyer më herët në radhët e Policisë së Shtetit, në repartin RENEA. Ai lëvizte me një automjet luksoz me targa të huaja (angleze). Efektivi kishte 2-3 muaj që ishte larguar nga radhët e policisë. U ndalua nga shërbimet e policisë rrugore fillimisht dhe iu gjet snajper. Dyshohet se do kryenin vrasje.
Ndërkohë, gjatë kontrollit në banesat e tyre u gjetën një armë zjarri pistoletë, dy palë dylbi dhe municion luftarak, të cilat u sekuestruan, në cilësinë e provës materiale, së bashku me automjetin.
Discussion about this post