Këngëtarja shqiptare me famë botërore Dua Lipa edhe këtë herë ashtu siç ja do tradita, nga gjaku prej shqiptari që rrjedh në venat e saj, ka uruar në mënyrën më të veçantë ditën e pavarësisë.
Ylli i muzikës pop e cila numëron dhjetëra çmime prestigjioze, ka ndarë më ndjekësit e saj foto nga udhëtimi i fundit në Shqipëri, në kalanë e Krujës, ku ka bërë shqiponjën me dy krerë.
Përbi kësaj fotoje këngëtarja e hitit “New Rules”, ka shkruar në shqip: “Urime 28 Nëntor, Gëzuar Ditën e Pavarësisë Shqipëri”.
Po ashtu ajo ka postuar në instastory flamurin kuq e zi që valvitet, si dhe një gotë verë të kuqe me simbolin e shqiponjës në mes, në shenjë nderimi për çlirimin e kombit të saj.
Këngëtarja me famë botërorë asnjëherë nuk është treguar e rezervuar për të treguar dashurinë që ajo ka për atdheun dhe prejardhjen e saj. E teksa ne shohim, arritjet Lipës në mesin e artistëve të huaj më të spikatur, shprehemi me plotë gojë se Dua është padyshim “krenaria e Shqipërisë”.
Discussion about this post