Gazeta amerikane, Washington Examiner, i bën thirrje Kongresit të hetojë për skandalin e rëndë të Charles McGonigal në Shqipëri.
Gazetari dhe analisti John Schindler thekson se Charles McGonigal është përfshirë në një skandal gjobëvënie në Shqipëri, me ndihmën e kryeministrit Edi Rama.
Schindler thekson se republikanët e Kongresit duhet të hetojnë këtë skandal të rëndë, pasi administrata e presidentit Joe Biden ka mbyllur sytë përpara narkoshtetit të Ramës.
“Tani që republikanët kanë një kontroll të ngushtë të Dhomës së Përfaqësuesve, Partia Republikane po heton me dëshirë administratën e Biden. Megjithatë, republikanët duket se nuk e kanë vënë re një skandal të madh të politikës së jashtme, që fshihet përpara syve.
Siç kam raportuar kohët e fundit, skandali në rritje rreth zyrtarit të lartë të FBI-së në pension, Charles McGonigal është ndoshta më i keqi në historinë e byrosë. Burimet të shumta më kanë thënë se McGonigal, ndërsa shërbente ende me FBI-në si kreu i kundërzbulimit në Nju Jork, zhvati biznesmenët e Ballkanit, shumica prej tyre shqiptarë, në një skemë të guximshme korrupsioni politik me vlerë shumë miliona dollarë.
McGonigal, mesa duket e realizoi këtë mashtrim të paprecedentë në bashkëpunim me kryeministrin e Shqipërisë, Edi Rama, Partia Socialiste e të cilit e ka drejtuar atë vend të vogël për një dekadë.
Ndryshe nga imazhi i kultivuar me kujdes i Ramës si një luftëtar pro-amerikan i NATO-s, madje edhe i korrupsionit, gjatë qeverisjes së tij, Shqipëria në fakt është bërë narkoshteti kryesor në Europë. Siç ka raportuar ‘Washington Examiner’, Shqipëria e Ramës është shndërruar në një analoge me Panamanë e Manuel Noriegës në vitet 1980. Për çfarëdo arsyeje, administrata e Biden duket se nuk është e shqetësuar.
Tani të tjerët kanë filluar të vënë re
Këtë javë, Financial Times raportoi për qeverisjen e gabuar të Ramës, duke treguar të dhëna delikate të ngjarjeve shqetësuese në prapaskenë, teksa thekson se ‘reputacioni i Ramës jashtë shtetit është njollosur gjithashtu nga kontaktet e tij me një zyrtar të turpëruar të zbatimit të ligjit në SHBA’, dmth McGonigal ‘akuzohet se ka ndihmuar liderin shqiptar për të përndjekur rivalët politikë’.
Gazeta vuri në dukje butësisht se shumë shqiptarë mesatarë ‘besojnë se qeveria bashkëpunon me trafikantët e drogës’.
Po, ata e bëjnë. Dhe njerëzit duhet të nisin të pyesin se pse Uashingtoni e ka bërë të rrugës për të mbrojtur qeverinë narkomiqësore të Ramës kundër kritikëve të tij,” shkruan gazeta.
“Merrni rastin e Ylli Ndroqit, një manjati mediatik shqiptar dhe kritik i Ramës, i cili u sanksionua nga Uashingtoni (për gjoja sjellje destabilizuese) dhe më pas iu konfiskua stacioni televiziv nga socialistët për korrupsion të dyshuar.
Ndroqi më tej pretendon se armiqtë e tij politikë në Shqipëri, përfshirë edhe aleatin e Ramës, Erion Veliaj, kryebashkiak i kryeqytetit Tiranë, e kanë ngacmuar duke i thënë se kanë ndikim të plotë në Uashington. Sipas rrëfimit të Ndroqit, Veliaj e kërcënoi atë me hakmarrje të mëtejshme nga amerikanët- gjë që, duke marrë parasysh se Rama kishte zgjedhur një zyrtar të lartë të FBI-së si peshën e tij të
Discussion about this post