Mediat britanike vijojnë ti japin jehonë përplasjes së kryeministrit shqiptar Edi Rama me qeverinë britanike lidhur me çështjen e emigracionit të paligjshëm të shqiptarëve në ishull. “The Times” ironizon avokatinë e Ramës ndaj grupeve kriminale shqiptare të trafikut të qenieve njerëzore, ndërsa i kujton se përmes amnistisë fiskale ai u fal pasuri deri në 2 milionë euro pa u bërë asnjë pyetje se si i bënë këto para.
“Nga një basketbollist që iu bashkua skuadrës për të parë një muze jashtë Shqipërisë, në një politikan që fajëson dyndjen e emigrantëve në politikat e britanisë”.
Kështu e cilëson media britanike “The Times” kryeministrin e vendit Edi Rama.
Raportimi i medias britanike
Përmes ironisë therëse ndaj sjelljes së kreut të qeverisë shqiptare, “The Times” risjell në vëmendje situatën e emigrantëve të paligjshëm shqiptarë.
Deklaratave të Ramës i cili shfajëson veten dhe qeverisë që drejton dhe ia ngarkon përgjegjësinë politikave të dështuara britanike, “The Times” nuk lë pa përmendur faktin se njerëzit që u angazhuan për t’i bërë të mundur marrjen e pushtetit 9 vite më parë Edi Ramës ishte edhe ish-kryeministri britanik Tony Blair dhe këshilltari i tij Alaistair Campbell, I cili është akuzar së fundmi si nxitësi i deklaratave të Ramës kundër qeverisë britanike.
“The Times” thekson se kryeministri Rama ka marrë gjithmonë këshilla si nga Blair ashtu edhe nga Campbell për të fituar zgjedhjet në vitin 2013. Por ai nuk veproi kështu me ndërhyrjen e tij në krizën e emigrantëve në Mbretërinë e Bashkuar.
Media britanike teksa referon mbrojtjen e shqiptarëve për të cilët thotë se nuk janë kriminelë, i risjell në vëmendje nismën e tij për amnistinë fiskale, e cila do t’i lejonte shqiptarët jashtë shtetit të riatdhesonin pasurinë deri në 2 milionë euro në bankat shqiptare pa asnjë pyetje, duke u përballur vetëm me një taksë prej 5 deri në 10 për qind.
Teksa i referohet dhe pasionit të tij për pikturën, media britanike në shkrimin e saj nuk lë pa përmendur edhe kohën kur ai ishte kryebashkiak i Tiranës, duke theksuar se Edi rama e shndërroi Tiranën në një kanavacë ku shpërthenin të gjitha ngjyrat si në karnavalet e Karaibeve.
Discussion about this post