Edoardo Reja flet nga Durrësi për ndeshjen miqësore të së mërkurës me Italinë fuke theksuar se për Shqipërinë është një motiv shumë i madh krenarie ndërsa shton se për të personalisht do të jetë një emocion i madh.
“Kur Italia humbi shansin që të ishte pjesëmarrëse në Botëror, ata po kërkonin përfaqësuese që të luanin miqësore, unë bisedova me presidentin Duka që të zhvillonim një ndeshje me ta”.
Në lidhje me grumbllimin e tre lojtarëve të Superiores ai shton:
“Ka lojtarë të Superiores që më kanë lënë përshtypje të mirë, por nuk mund t’i merrja dot të gjithë. Ata treguan personalitet dhe ishin shumë mirë. Mendoj se bëmë sfida të mira, nuk e merituam humbjen me Katarin, nuk na u dha një penallti. Doja t’i shihja këta lojtarë edhe për ndeshjet e muajit mars”.
E njeh mjaft mirë Mancinin dhe thekson se Italia e tij nuk do të vijë për shëtitje në Tiranë ndërsa shton se skuadra kuqezi duhet të bëjë një paraqitje të mirë, përtej rezulattit.
“Këto dy ndeshje kanë shumë vlera. Balajn, Cikalleshin, Seferin dhe Uzunin nuk na i lejojnë klubet që t’i merrnim në Kombëtare për shkak të ndeshjeve ndërsa me probleme fizike janë Manaj, Strakosha, Çekiçi dhe Gjimshiti që sapo është i rikuperuar. Do të doja që të gjithë lojtarët t’i kisha në dispozicion”.
Discussion about this post