Pak kohë më parën Drejtori i Agjencisë për Media dhe Informim i Kryeministrisë, Endri Fuga, ka deklaruar se ky institucion do të ndërtojë një model të përafërt me atë gjerman. Por kjo deklaratë është hedhur poshtë nga Agjencia e lajmeve, EurActiv, e cila përgënjeshtron çdo pretendim të Fugës. Agjencia shkruan se pretendimi i se duan të ngrenë një agjenci sipas modelit gjerman, nuk qëndron. Media sqaron se niveli dhe konsistenca e modelit gjerman është dukshëm më e lartë se në Shqipëri. Ndërsa thekson si shqetësues faktin që qeveria sulmon vazhdimisht pronarët e mediave private.
“Agjencia kontrollon komunikimet e qeverisë, duke përfshirë atë të ministrive të veçanta dhe agjencive të tjera shtetërore. Ajo punëson dhe shkarkon oficerë të PR në çdo institucion shtetëror dhe organizon të gjitha konferencat për shtyp.Në një vend ku liria e medias po bie me shpejtësi dhe qeveria është nën kritika për mungesë transparence dhe sulme të drejtpërdrejta ndaj punonjësve të medias, institucioni i ri ka shkaktuar shqetësim të madh”, thuhet në deklaratë.
Ndër të tjera ata marrin shembull konferencat që zhvillohen në Shqipëri, duke thënë se jo të gjithë gazetarët lejohen që të bëjnë pyetje. ‘Gjermania nuk mund të krahasohet me Shqipërinë, pasi ky vend renditet i 13-ti në botë për lirinë e medias, kurse Shqipëria është në vendin e 83-të’ shkruan EurActiv.
“Zëdhënësit e mediave të ministrive po marrin pjesë rregullisht në konferencën federale për shtyp, në mënyrë që gazetarët të mund të bëjnë pyetje më specifike në lidhje me punën e ministrave. Ka disa dallime ndërmjet MPB-së dhe BPA-së, kryesisht se ministritë dhe zyrtarët në Gjermani ende mund të angazhohen me shtypin kur dhe kur dëshirojnë.
Për më tepër, niveli dhe konsistenca e angazhimit me median janë dukshëm më të larta se në Shqipëri. Për shembull, konferencat për shtyp shpesh nuk janë të hapura për të gjitha mediat dhe gazetarëve u ndalohet të bëjnë pyetje. Gjatë një konference për shtyp, Rama u kërkoi së fundmi gazetarëve që të gjitha pyetjet t’i mbanin tematika në fjalë dhe të mos preknin çështje të tjera”, thuhet në deklaratë
Në përfundim agjencia thekson se media në Shqipëri nuk është tërësisht e lirë edhe ajo e institucionit të Kryeministrisë, prandaj i duhet shumë punë që të përshtatet me modelin gjerman.
Discussion about this post