Llogaritë bankare të ambasadorit kosovar në Slloveni, Martin Berishaj janë bllokuar për shkak të një borxhi sipas mediave malazeze.
“Sot janë bllokuar llogaritë e kompanisë së Berishës në Mal të Zi për shkak të një borxhi prej 31,014 euro”, shkruan Press.co.me.
Vlera e borxhit ishte 30 mijë euro dhe mediat sllovene kanë raportuar se ambasadori i Kosovës në këtë vend dyshohet se është i përfshirë në një skandal financiar bashkë me kryetarin e Partisë së Lirisë në Slloveni, Robet Golob.
Dyshohet se ambasadori Berishaj ka marrë mbi 600 mijë euro përmes një kompanie që e ka hapur në Mal të Zi, e quajtur “MB Consulting”.
Ambasadori reagoi përmes rrjetit social në Facebook ku kishte shkruar se këto raportime janë vetëm shpifje.
“Shpifjet nuk kalojnë! Pavarësisht nga fushata parazgjedhore në Slloveni dhe ballafaqimi i fundit i mbrëmshëm në mes akterëve kryesor politik, i z. Janša dhe z. Golob, ku u mohua shkrimi i Planet tv lidhur me emrin tim, nga sot, padia ime kundër portalit në fjalë, hap rrugë për fjalën e fundit gjykatës. Nuk është e drejtë të jemi thjesht të sigurt në drejtësi dhe në të vërtetë. Duhet edhe ta mbrojmë drejtësinë dhe te vërtetën. Përndryshe shpifjet bëhen normale”, shkruante Berishaj.
Discussion about this post