Një lajm i trishtë ka ardhur për median shqiptare ditën e sotme. Është bërë me dije se, gazetari ka ndërruar jetë në moshën 58-vjeçare gazetari Artjan Tepelena. Sipas burimeve, shkak ka qenë COVID-19. Prej një muaji ai ishte i shtruar në Sanatorium.
Lajmin e kanë njoftuar miqtë e tij në rrjetet sociale. “Na ike kaq shumë para kohe e na trishtove kaq shumë o Tan. Do të na mungosh shumë i shtrenjti jonë, sidomos Fjordit dhe Mirës. Të prehesh i qetë në përjetësi”, shkruajnë ata.
Artjan Tepelena ka qenë gazetar, kryeredaktor në TVSH, drejtor i lajmeve në TV Alba dhe së fundmi ishte pjesë e TVSCAN me një emision të tijin. Ai është vëllai i ambasadorit Ilir Tepelena.
