Portali i njohur ndërkombëtar ‘Revista e Arbitrazhit Global’ i bën jehonë vendimit të një gjykate apeli në Bruksel për të mbajtur në fuqi bllokimin e aseteve të Albcontrol për llogari të biznesmenit italian, Françesko Bechetti.
Në shkrim thuhet se vendimi është marrë më 15 maj, pasi Eurocontrol kishte bërë një apelim ndaj vendimit për të bllokuar pasuritë e Albcontrol për shkak se biznesmeni italian ka fituar një arbitrazh ndaj qeverisë shqiptare me vlerë 110 milionë euro.
Eurocontrol kishte kërkuar që Albcontrol të shkëputej nga shteti shqiptar, por gjykata theksoi se kjo është absurde, pasi çdo marrëveshje është bërë me Shqipërinë.
Tani e tutje, milionat e Albcontrol-it do të shkojnë për llogari të Bechetti.
Por portali zbulon edhe një detaj të rëndë në shkrim.
Sipas tyre, rreth 65 milionë euro të Shqipërisë janë bllokuar nga Bechetti për shkak të gjobës kolosale.
Gjykata e Apelit e Brukselit ka lënë në fuqi një shtojcë mbi të ardhurat e kontrollit të trafikut ajror shqiptar të marra nga investitorët italianë që kërkojnë të zbatojnë një çmim prej 110 milionë eurosh ICSID.
Kujtojmë se shteti Shqiptar humbi sërish përballë biznesmenit italian Francesco Becchetti, në lidhje me mbylljen e televizionit të tij “Agon Channel” në vitin 2015.
Arbitrazhi ndërkombëtar (Qendra Ndërkombëtare për Zgjidhjen e Konflikteve të Investimeve) vendosi në favor të Becchettit, duke detyruar shtetin shqiptar. për të paguar një dëmshpërblim prej rreth 110 milionë euro. Pra, ky institucion ligjor i lidhur me Bankën Botërore mbështeti vendimin e Gjykatës Evropiane të Strasburgut më 24 prill 2019, e cila e cilësoi të ligjshme padinë e sipërmarrësit italian ndaj shtetit shqiptar. Si rezultat, Becchetti, partnerët dhe familjarët e tij do të përfitojnë në total 108 milionë euro, si dhe do të paguhen kostot e 2 arbitrazheve prej 600 mijë euro në Strasburg dhe 145 mijë dollarë për këtë të ICSID.
Konkretisht, Beçhetti është kompensuar 41 milionë euro, Mauro De Renzis 46.7 milionë euro dhe Stefania Grigolo rreth 11.7 milionë euro. Në këtë mënyrë, Shqipërisë i krijohet një tjetër “gropë” e madhe në buxhet, pasi duhet të dëmshpërblejë biznesmenin italian për një shifër kolosale. Nga ana tjetër, kryeministri Edi Rama dhe zëvendëskryeministrja Belinda Balluku refuzuan me kokëfortësi që shteti shqiptar të dëmshpërblejë sipërmarrësin italian, të cilin ai e dënoi me burg.
Discussion about this post