Megi Pojani, një nga vajzat më të ndjekura në rrjetet sociale që bën zhurmë në çdo dalje të saj ka folur për djalin që mund t’i rrëmbejë zemrën. E ftuar në emisionin “Goca dhe Gra”, Megi Pojani tha se do pëlqente të kishte në krah të saj një djalë tipik shqiptar.
Moderatoret e pyetën nëse pëlqen ndonjë nga djemtë konkurrentë të “He/She’s On Top”, ku Megi është pjesë e jurisë, ajo u përgjigj: Jo.
Më tej, tha se djali që do të donte të kishte partner duhet të jetë një djalë bazik.
“Dua një djalë bazik, mesatar shqiptar. Që të dëgjojë më shumë se të flasë. Mos të jetë shumë i dhënë pas krijimit të imazhit të vet. E rëndësishme është të më bëjë për të qeshur”.
“Kur e ka guximin që të vijë tek unë, kuptohet që ai është i duhuri”, theksoi Megi.
Discussion about this post