Pas përfundimit të sfidës mes Skënderbeut dhe Kukësit, ‘ujqërit’ arritën ti rrembejnë tre pikët e para në këtë sezon kryesueve të Kukësit, dhe pas këtij triumfi, trajneri Migem Memelli është shprehur:
‘’Kukësi për mua është skuadër që jep afeksion të ndryshëm në mënyrën si qasat në kampionatin shqiptar, ka trajner të shkëlqyeshëm. Dimë që Kukësi ndërton nga poshtë për të tërhequr sulmin lart. Kemi qenë të jashtëzakonshëm sot, dua të komplimentoj lojtarët shumë, sepse kam marrë sinjal ku kjo është skuadër dhe pse me djem të ri me pak eksperiencë. Zguro ishte jashtë për arsye dëmtimi.”
“Bëmë shumë mirë ndaj një kundërshtari të jashtëzakonshëm, rezultati duhet të ishte më i thellë pasi kishim shumë raste. Tranzicioni sot është kthyer në armë në të gjitha skuadrat, dhe nëse e bën mirë vinë rezultatet. Ky trepikësh është në kohë për t’i thënë lojtarëve që kanë cilësi, kanë vlera që gjërat mund të bëhen mirë. Përgjigja që më dhanë sot ishte e jashtëzakonshme.”
“Qasja që ne i bëmë formacionit karshi kësaj skuadre ishte në një formë të tillë që mos tu lenim hapësira, dhe dyshen e mesfushës lart Feizhao-Basha t’i bllokonim. Mbarëvajtja që i kanë bërë arbitrat ndeshjes sot ishte e jashtëzakonshme. Me Partizanin na u dha penallti kundra, me Dinamon e morën topin me dorë, në Laç na bënë një gol të paqenë, mesazhi është ‘’Na lini të luajmë futboll’’, u shpreh Memelli.
Discussion about this post