Me 4 plumba në kokë dhe bark, e shkuara kriminale e të riut nga Tepelena me emrin Keli që u ekzekutua në Athinë, u pagua me jetë. Është pikërisht personi që shihni në foto shqiptari i cili dyshohet se u ekzekutua për larje hesapesh.
Disa orë para ngjarjes viktima identiteti i plotë i të cilit nuk është bërë ende, ka qenë duke drekuar me miq të tij në një lokal në Athinë ku performonte për shqiptarët këngëtari Renato Jaho. Jo më kot është faktuar ky moment pasi, Keli ka qenë menaxher i një lokali “Dejavu” në Athinë, ku shpesh herë ftonte edhe këngëtarë të njohur shqiptar, me të cilët thuhet se kishte edhe miqësi për shkak edhe të punës që bënte. Pista kryesore ku po hetohet ngjarja është e shkuara kriminale e të riut, pra dyshohet se ekzekutimi është kryer për larje hesapesh
Theksojmë se i riu që “pagoi me jetë” përfshirjen në veprimtari jo të ligjshme u qëllua për vdekje me 4 plumba në kokë dhe bark.
Ndërsa dyshohet se në atentat janë përfshirë më shumë se një person.
Fill pas krimit, autorët janë larguar nga vendi i ngjarjes me një mjet tip “Toyota Yaris”, ndërkohë që policia ka nisur hetimet për identifikimin dhe kapjen e tij. Po ashtu mësohet se viktima është me precedentë penale, ndërkohë që një prej pistave të krimit dyshohet për larje hesapesh.
