Dhënia me koncesion e Parkut Kombëtar të Butrintit, ka nxitur lëvizje dhe reagime të forta nga ekspertët dhe shoqëria civile. Ditën e sotme një grup qytetarësh kanë protestuar në Butrint duke e quajtur afer korruptive privatizimin e historisë.
Sipas protestuesve qeveria shqiptare ka detyrë të mbrojë parqet kombëtare dhe jo ti privatizojë ato.
“Edhe një pensionist duhet të paguajë 5 mijë lekë për të parë parkun. Nuk mbahet për ruajtjen e kulturës. Morën pjesë shumë specialist, e keqja është se gjithë ky studim nuk shkon në buxhetin e shteti, por tek ata që e gjetën të gatshëm, edhe udhëheqësit që e dhanë këtë park. Në zonën më të largët , futet Ksamili dhe këto zona që janë studiuar që parku të kishte zgjerimi. Privatët e ngushtuan dhe nuk dimë se çfarë ndodh. Dalin monumente nga më të mirat”– u shpreh një prej protestuesve.
Rreth 2 milion euro të ardhura që Parku Kombëtar i Butrintit gjeneron në vit thonë se janë të mjaftueshme për mirëmbajtjen e ikonave dhe siteve arkeologjike që Butrinti posedon.
Discussion about this post