Drejtori i Përgjithshëm i OBSH-së, Tedros Adhanom Ghebreyesus bëri thirrje për forcimin e sistemit global shëndetësor për të luftuar më me efektivitet kundër epidemive që mund të shfaqen pas Covid-19.
Ai bëri thirrje për zhvillimin e një mbledhje me përfaqësues të shoqërisë civile në mbarë botën për të parandaluar rreziqet shëndetësore në të ardhmen.
“Asnjë institucion ose vend nuk mund ta bëjë i vetëm këtë. Për këtë arsye ne përdorim termin ‘mendje e përbashkët’, në mënyrë që të kuptohet qëllimi i objektivit tonë. Rrjeti i OBSH-së do të mbledhë shkencëtarë, shpikës, politikanë, ekspertë të shëndetësisë dhe përfaqësues të shoqërisë civile në mbarë botën. Mendimet e paraqitura nga ekspertët e fushave të ndryshme do të shpejtojnë aktivitetet diagnostikuese kundër pandemive. Vendet dhe shoqëritë me rrjedhën e informacionit të saktë mund të parandalojnë rreziqet shëndetësore në rritje dhe mund të shpëtojnë jetë”, tha Ghebreyesus.
Kreu i OBSH-së theksoi se teknologjitë e reja ofrojnë mundësi që pandemitë të parashikohen, të diagnostikohen dhe të parandalohen më herët.
Ndër të tjera, Ghebreyesus shtoi se shpëtimi i jetës duke përfituar nga fuqia e teknologjive të reja nuk është një mundësi, por domosdoshmëri.
