Mendoni se i keni parë të gjitha? Policia ndjek këmba-këmbës derrin dhe i “vë prangat”

Policia në Southtown të Great Yarmouth, Norfolk në Britani është vënë në ndjekje të një keqbërësi të pazakontë pas ankesave të banorëve të zonës.

Banorët kishin kërkuar ndihmën e autoriteteve për një derr të uritur, i cili i kishte shkatërruar gardhet rrethuese të banesave.

Për dy oficerët e çështjes, Joe Pike dhe Richard Bladon kjo ishte një ngjarje e pazakontë.

Ata u ngarkuan me detyrën që të gjurmonin derrin e uritur dhe ta merrnin në kujdesin e tyre.

Ata ishin përballur shpesh me keqbërës, por ishte hera e parë për ta që të arrestonin një derr.

“Si oficer, ju mendoni se i keni parë të gjitha, por PC-të Joe Pike dhe Richard Bladon patën një përvojë të re të shtunën në mëngjes (13 gusht) pasi u thirrën për të shpëtuar një derrkuc të madh të zi që përtypet nëpër kopshte në zonën e qytetit të Jugut të Yarmouth’, shkruan policia në raportin e saj.