Meridiani ka qenë një nga banorët më protagonistë të “Big Brother VIP”. Por edhe tani që ndodhet jashtë shtëpisë, pasi u eliminua, Meridiani bëhet pjesë e programit me komentet dhe deklaratat e tij forta. Një nga temat që u diskutua mbrëmë në spektaklin e “Big Brother VIP” ishte marrëdhënia e Donald Veshajt dhe Beatrix Ramosajt. Kjo e fundit herë pas here është shprehur se aktori i humorit nuk i jep vëmendjen që kishte në fillim për të. Situatën mes çiftit e ka komentuar Meridiani, i cili tha lidhja mes tyre nuk zgjat, madje shprehet se e ka thënë prej fillimit këtë dhe madje ka vënë bast.
“Na thërrasin në një studio për të dhënë opinionin, nuk duhet të varemi nga ana emocionale që mund të jemi lidhur me banorët. Opinioni duhet të jetë i ftohtë, duhet të gjykosh ftohtë, aq më tepër kur bëhet fjalë për një femër. Mund të ndërrojë të kalojë te pjesa e publikut. Unë e kam thënë te Fan Club se ka filluar që të ftohet, jo nga ana e Beatrix, është largim nga ana e Donaldit. Nuk e di, mbase është nxituar te deklaratat që kanë thënë. Kam pyetur sa zgjat muaji mjaltit? Unë e di se zgjat një muaj, dhe unë në momentin që dalin jashtë nuk u jap më shumë se 1 muaj bashkë me njëri-tjetrin”, u shpreh Meridiani, i cili doli nga shtëpia e BB VIP pikërisht se e nxori në nominim Donaldi. Meridiani ka pasur edhe disa përplasje në rrjetet sociale me Romeon, për shkak të deklaratave të bëra për çiftin.
Discussion about this post